အောင်ဘာလေသိန်းဆုဌာနခွဲက အကြိမ်စဉ်တိုင်းအတွက် ထီပေါက်စဉ်ကို အခမဲ့ထုတ်ဝေပါသည်။ ထီပေါက်လျှင် အကြိမ်စဉ်သစ် တစ်ခုအတွက် လစဉ်လဆန်း(၇)ရက်ဝန်းကျင်တွင် ဆုငွေ စတင်ထုတ်ပေးပါသည်။ ဆုရလက်မှတ်များကို ရုံးချိန်အတွင်း နေ့စဉ် လက်ခံဆောင်ရွက်ပေးပါသည်။ ထီဆုငွေများကို ရန်ကုန်မြို့အောင်ဘာလေသိန်းဆုဌာနခွဲ၊ မန္တလေးမြို့ အောင်ဘာလေ သိန်းဆုဌာနခွဲ (မန္တလေးရုံးခွဲ)နှင့် မြန်မာ့စီးပွားရေးဘဏ်ခွဲများတွင် ထီဆုငွေအမြင့်ဆုံးမှ အနိမ့်ဆုံးအထိ အမျိူးအစားအားလုံး ထုတ်ယူနိုင် ပါသည်။ မြို့နယ်အခွန်ဦးစီးဌာနမှူးရုံးများတွင် ကျပ်(၁၀)သိန်း နှင့် အောက် ဆုငွေများကိုသာ ထုတ်ယူနိုင်ပါသည်။ (ယခင် ၁၀၀ ကျပ်တန် ထီစနစ်က ပေါက်ခဲ့သော ထီဆုများကိုလည်း ကျပ်(၁၀)သိန်းနှင့်အောက် ဆိုလျှင် မြို့နယ် အခွန်ဦးစီး ဌာနမှူးရုံးများ၌ ဘဏ္ဍာသိမ်းကာလ မရောက်မချင်း ထုတ်ယူ နိုင်ပါသည်။ မြို့နယ်အခွန်ဦးစီးဌာနမှူးရုံးတွင် ထီဆုငွေထုတ်ယူလိုလျှင် ထီပေါက်သူသည် ဆုရလက်မှတ်နှင့်အတူ မှတ်ပုံတင် မူရင်း၊ ကျပ်ငါးသောင်းဆုဆိုလျှင် မှတ်ပုံတင်မူရင်းအပြင် အိမ်ထောင်စုဇယားမူရင်းနှင့်မိတ္တူ၊ ဆုငွေထုတ်ယူရာတွင် အသုံးပြုသည့် အရွယ် ဓာတ်ပုံ(၃)ပုံတို့ကို ယူဆောင်လာ၍ မြို့နယ်အခွန်ဦးစီးဌာနမှူးထံ တင်ပြရမည်ဖြစ်ပါသည်။

(၁)    ဆုရလက်မှတ်တင်ပြနိုင်မှသာလျှင် ဆုငွေထုတ်ယူခွင့်ရှိပါသည်။

(၂)  တင်ပြတောင်းခံသောဆုရလက်မှတ်၏ အက္ခရာနှင့် ဂဏန်းတို့ တစ်ဆက်တစ်စပ်တည်းမရှိ ပိုင်းပြတ် စုတ်ပြဲနေသော ဆုရလက်မှတ်များ ဆုငွေထုတ်ပေးမည်မဟုတ်ပါ။ အက္ခရာနှင့် ဂဏန်းများတွင် ပြင်ရာ၊ ဖျက်ရာ (သို့မဟုတ်) မူလအနေအထား ချို့ယွင်း ပျက်စီးမှု တွေ့ရှိလျှင်ဖြစ်စေ ဆုငွေထုတ်ပေးခြင်းကို အောင်ဘာလေ သိန်းဆုဌာနခွဲမှ ငြင်းပယ်ခွင့်ရှိသည်။

(၃)  ထီလက်မှတ်ဝယ်ယူကြောင်း၊ ပိုင်ဆိုင်ကြောင်း၊ ပျောက်ဆု့းသွားကြောင်းတို့နှင့် စပ်လျဉ်းသော အချက်များ အငြင်းပွားခြင်းများ ကန့်ကွက်ခြင်းများကို အောင်ဘာလေသိန်းဆုဌာနခွဲက တာဝန်ယူဖြေရှင်းပေးမည် မဟုတ်ဘဲ ဆုရလက်မှတ်တင်ပြသူကိုသာ ဆုငွေ ထုတ်ပေးမည်ဖြစ်ပါသည်။ သို့ရာတွင် အငြင်းပွားမှုနှင့် ပတ်သက်၍ တရားရင်ဆိုင်နေဆဲဖြစ်ပါက သက်ဆိုင်ရာ တရားရုံးက အောင်ဘာလေ သိန်းဆုဌာနခွဲသို့ တားဝရမ်းပေးပို့လျှင် ဆုငွေထုတ်ပေးခြင်းကို ဆိုင်းငံ့ထားမည်ဖြစ်ပါသည်။ ဆိုင်းငံ့စဉ်ကာလအတွင်း ဘဏ္ဍာသိမ်းရန် အချိန်စေ့ရောက်လျှင်လဲ ဘဏ္ဍာသိမ်းခြင်းကို ဆိုင်းငံ့ထားပါမည်။

(၄) ဆုငွေများကို ရန်ကုန်မြို့ရှိ အောင်ဘာလေသိန်းဆုဌာနခွဲရုံးနှင့် မန္တလေးမြို့ရှိ အောင်ဘာလေသိန်းဆု ဌာနခွဲတွင်သော် လည်းကောင်း၊ သက်ဆိုင်ရာမြို့နယ်ဘဏ်များမှ တဆင့်သော်လည်း ထုတ်ယူနိုင်ပါသည်။ ကျပ်(၁၀)သိန်းနှင့်အောက် ထီဆုငွေများကို ရန်ကုန် တိုင်းဒေသကြီးပြင်ပရှိ  မြို့နယ်အခွန် ဦးစီးဌာနမှူးရုံးများတွင်လည်း ထုတ်ယူနိုင်ပါသည်။

(၅) အောင်ဘာလေသိန်းဆုပေါက်စဉ် ကြေညာသည့်ရက်မှ တစ်နှစ်အတွင်း တောင်းခံခြင်းမပြုသော ဆုငွေများကို အခွန်ဘဏ္ဍာ အဖြစ် သိမ်းယူမည်ဖြစ်ပါသည်။

(၆)  ဆုရလက်မှတ်တင်ပြသူ (သို့မဟုတ်) ပိုင်ဆိုင်သူသည် နိုင်ငံတော်သစ္စာဖောက်ဖျက်ပုန်ကန်ခြင်းနှင့် စပ်လျဉ်း၍ ပြစ်မှုဆိုင်ရာ ဥပဒေပါ ပြစ်မှုတစ်ခုခုကိုသော်လည်းကောင်း၊ နိုင်ငံတော်အား နှောက်ယှက် ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက် သည့် ဥပဒေပါ ပြစ်မှုတစ်ခုခုကို သော်လည်းကောင်း ကျူးလွန်သည် ဟု အောင်ဘာလေ သိန်းဆုဌာနခွဲ ညွှန်ကြားရေးမှူးက ယုံကြည်ရန် အကြောင်းရှိလျှင် ထီ ဆုငွေထုတ်ပေးခြင်းကို ရပ်ဆိုင်းထားပိုင်ခွင့် ရှိသည်။